Etiketa honen artxiboa: jardun

Iruña Veleian zer gertatzen da? Hitzaldia Bergaran 2011-11-14 astelehena. Jardun

Erantzun

Jardun euskara taldea

Bergarako Jardun euskara elkarteak antolatu duen HITZALDI baten berri eman nahi dizuegu.

EGUNA: Azaroak 14, 19:00etan

LEKUA: Bergarako Irizar Jauregiko aretoan

Hitzaldiaren izenburua  “ZER GERTATZEN DA IRUÑA-VELEIAN?” da eta hizlaria Juan Martin Elexpuru idazle eta euskal filologian doktorea izango da.

Iruña-Veleiako idazkunen inguruan zalaparta handia sortu da. Adituen batzordeak erabaki zuen ostrakak faltsuak direla, baina harrezkero kontu hori argitu gabe dagoela eta argitzeko eskatzen dutenen ahotsa oso sendo entzun da. Horien artean nabarmendu da Juan Martin Elexpuru, idazlea eta filologian doktorea. Ostrakak banan- banan aztertu ditu hizkuntzalaritzaren ikuspuntutik, eta benetakoak izateko itxura guztia dutela dio berak. Hori dela eta zuen interesekoa izan daitekeelakoan Jardunek bertara joateko gonbitea luzatzen dizue.

Iruña-veleiako euskarazko grafitoak

Azken glaziazio handiko babeslekua eta euskara. Roslyn M. Frank.

Erantzun

Jardun euskara elkartea

Bergarako Jardun euskara elkarteak antolatu duen HITZALDI baten berri eman nahi dizuegu.

EGUNA: Urriak 19, 19:00etan

LEKUA: Irizar Jauregiko aretoan

Hitzaldiaren izenburua  “AZKEN GLAZIAZIO HANDIKO BABESLEKUA ETA EUSKARA” da eta hizlaria Roslyn M. Frank filologo Estatu Batuarra izango da.

Roslyn M. Frank Iowa-ko (Estatu Batuak) Unibertsitateko irakaslea da, Hizkuntzalaritzan. Arbaso euskaldunik ez izan arren, aspaldi ikasi zuen euskaraz. Euskal Herriarekin lotutako hainbat lan argitaratu du.
Euskal hizkuntza, Sarobeak, Inauteriak, Serorak edo eta Iruña-Veleiako auzia daude, besteak beste, berak jorratutako gaien artean.

Hitzaldian mundu zientifikoan bero-bero dagoen gaia jorratuko du: PCRT  (Palaeolithic Continuity Refugium Theory). Gero eta indar handiagoa hartzen ari den teoria honen arabera, Azken Izozte Handian (22.000-10.000 K.a.) Babesleku Franko-Kantabriarrean mintzatzen zen hizkuntza euskara zen, eta ia Europa osora zabaldu zen izotzak urtu zirenean.