Etiketa honen artxiboa: veleia

Iruña-Veleiako auzia argitzearen aldeko manifestua

15920 Iruña VeleiaIruña-Veleiako auzia argitzearen aldeko manifestua. (Ama Ata bloga)

Arabako Foru Aldundiak, 2008ko udazkenean hartutako erabaki baten bidez, ofizialki faltsutzat jo zituen 2005 eta 2006ko jardunaldietan Iruña-Veleiako aztarnategian aurkitutako “ezohiko grafitoak” (400 inguru), eta indusketa-baimena kentzea erabaki zuen Lurmen S.L. enpresari. Handik gutxira, zigor-espedientea irekiz, auzibidean jarri zituen enpresa horretako hainbat kide eta kolaboratzaile.
Euskal Herriko Unibertsitateko (EHU-UPV) irakaslez ia guztiz osaturiko Batzorde Zientifiko Aholkulariaren zenbait txostenetan oinarrituta hartu zuen erabakia Foru erakundeak; piezak faltsuak zirela eta Lurmenen arkeologia jarduna txarra izan zela esaten zuten txostenok. Geroago, 2009 eta 2013 artean, Lurmenen defentsak hogei bat txosten aurkeztu zituen epaitegian guztiz kontrakoa esaten zutenak, hau da, piezak benetakoak izan daitezkeela eta Lurmenen arkeologia jarduna egokia izan zela. Hainbat naziotakoak dira txostenon egileak eta horietako gehienak izen handiko adituak grafitoetan agertzen diren gaietan.
Auziak bederatzi urte iraun du instrukzio fasean; errekor triste baten jabe da: gure herrian zabalik egon den auzirik luzeena. Ez da zaila igartzea zenbat sufritu duten Eliseo Gil Zubillaga eta Oscar Escribano Sanz auzipetuek “aulki zigorra” jasan behar izan duten amaiera gabeko epe honetan. Azkenik, 2018ko maiatzaren hasieran jaso dute auzipetuek akusazio-idatzia: Arabako Foru Aldundiak zazpi urte eta erdiko kartzela zigorra eta 285.000 euroko isuna eskatzen du auzipetu bakoitzarentzat, eta aldi berean Estatuko Fiskaltzak bost urte eta erdiko kartzela eta ia 300.000 euroko isuna. Zer esan honen aurrean.
Gure ustez, ezin da denbora gehiago egon auzia argitu gabe; batetik, begi-bistako arrazoi humanitarioengatik, eta bestetik, garrantzi ikaragarrikoa delako grafitoak benetakoak ala faltsuak diren jakitea. Eta ez bakarrik euskararen historiarentzat, baita beste ezagutza-arlo askorentzat ere. Badakigu jakin erraza dela egia aurkitzea datazio teknika modernoak erabiliz, ohikoak gaur egungo arkeologian, eta horregatik azpian sinatzen dugunok eskatzen diegu Arabako Foru Aldundiari eta Gasteizko Epaitegiari ondorengoa egitea agindu dezatela:

  • piezen lagin bat Arkeometrian adituak diren Europako laborategietan aztertzea. Gure ustez, hiru laborategi ezberdinetan egin beharko lirateke analisiak, kasu berezietako protokolo zorrotzak ezarriz.
  • parteekin zerikusirik ez duten arkeologo entzutetsuek indusketa kontrolatuak egin ditzatela Lurmenek grafitoen agerlekutzat seinalaturiko lekuen inguruetan.

Zera ere pentsatzen dugu, ez duela inolako zentzurik auzia epaiketara eramatea ustezko faltsutasuna frogatu gabe dagoenean, eta horregatik eskatzen diegu Arabako Foru Aldundiari eta Gasteizko Epaitegiari beste pausorik ez emateko bide horretan, harik eta laborategi espezializatuek eta indusketa kontrolatuek grafitoen benetakotasuna edo faltsutasuna erabaki arte.

  • Izen-abizenak (edo entitatea):
  • Nortasun agiriaren zenbakia:
  • Eposta (aukerakoa):
  • Bizilekua:
  • Sinadura:
  • Lanbidea edo titulazioa (aukerakoa):

(Ekimenaren bultzatzailea: Iruña-Veleia Argitu ekimena, ondorengo elkarteetako kideek osatua: SOS Iruña-Veleia, Euskeraren Jatorria, Martin Ttipia, Lurmen eta independenteak)
Harremana: irunaveleiaargitu@gmail.com
Informazioa: www.iruñaveleia.eu

Bideoa: Iruña-Veleia 9 urte dataziorik gabe.

357 mila € fiantza Eliseo Gil eta Oskar Escribanori epaiketa hasi aurretik

Errukia Oteitza Donostia357 mila €uroko fiantza. JM Elexpuru.

Esperpentoa hasi da epaiketa aurretik… Nork sinistu 500 ostraka faltsutu zituztela x 600 €/ostraka = 300.000 € ?

Nork frogatu du? Non? Nola?

Errukirik ez dago Iruña-Veleiako euskara zaharra aurkitu zutenekin, justizia ez da ezagutu mendekua baizik… baina ematen du oraindik okerragoa izan daitekeela ondasunen enbargoak eta guzti.

Iruña-Veleia prentsaurrekoa 2018-5-15. JM Elexpuru.

Iruña Veleia eu webgune berriaIruña-Veleia prentsaurrekoa 2018-5-18. JM Elexpuru.

Kazetari eta argazkilari asko etorri dira hedabideetatik gaurko prentsaurrekora. Hauxe izan da irakurri dugun testua.
Kafka Iruña-Veleian
Harriduraz hartu dugu notizia: Arabako Foru Aldundiak zazpi urte eta erdiko kartzela-zigorra eskatu du Eliseo Gil aztarnategiko zuzendari ohiarentzat eta hiru urte eta bederatzi hilabetekoa Oskar Escribano Lurmeneko langile ohiarentzat, eta horrez gain ia 300.000 euroko isuna bakoitzarentzat. Fiskaltzaren eskaerak ere bide beretik doaz. Eta hori bederatzi urteko “aulki-zigorra” jasan ondoren, iraupen hori izan baitu inolako arrazoirik gabe luzatu den instrukzio faseak.

Iruña-Veleiako epaiketa eten, prentsaurrekoa. Berria.

Iruña Veleia 2018-5-15Iruña-Veleiako epaiketa eten. Berria.
‘Iruña-Veleia auziaren’ bide judiziala eteteko eskatu dute
Auzipetuek jasan duten “aulki zigorra” gaitzetsi dute haien aldekoek, ia hamar urte baitira auzia azaleratu zela.

Iruña-Veleia auziak aurrera jarraitzen du epaitegietan, eta beste pauso bat eman zuen iragan astean. Hiru auzipetuen aurkako akusazio idatziak aurkeztu zituzten Arabako Foru Aldundiak eta Arabako fiskaltzak: zazpi urte eta erdira arteko zigorra eskatu dute Eliseo Gil aztarnategiko zuzendariarentzat, eta hiru urteko eta bederatzi hilabetera arteko espetxe zigorra Oskar Escribano arkeologoarentzat. Horrez gain, ia 300.000 euroko isun ekonomikoa ere galdegin dute bientzat.

Bada, “harriduraz” hartu dituzte zigor eskaerak auzipetuen aldekoek, eta “kafkiartzat” izenpetu. “Injustizia baten aurrean gaudela uste dugu, azkenaldian hizpide ditugun beste batzuen inbidiarik gabe”, adierazi du Juan Martin Elexpuruk, Iruña-Veleia Argitu ekinbideko kideak. Auzia “irteerarik gabeko bide batera” eraman izana egotzi diote Arabako Foru Aldundiari, bide judiziala hautatzeagatik “jakinik arazoa guztiz zientifikoa dela, eta, ondorioz, bide zientifikoak erabiliz soilik argitu daitekeena”. Hori horrela, bide judiziala eteteko eskatu diote Arabako Foru Aldundiari, “laborategi espezializatuek eta indusketa kontrolatuek auzia erabaki arte”.

Iruña-Veleia Argitu ekinbidearen arabera, ez dago frogatuta grafitoen faltsutasuna oraindik, eta, beraz, piezen lagin bat arkeometrian adituak diren Europako laborategietan aztertzea eskatu dute beste behin, baita aurkikuntzak egin ziren lekuan indusketa kontrolatuak egitea ere. Taldearen hitzetan, “ezinbestekoak” dira kasua argitzeko. Eskakizun horiek aurrez ere eginak dituzte, baina epaileak ez ditu aintzat hartu.

Auzipetuek jasan duten “aulki zigorra” ere gaitzetsi dute ekinbideko eledunek, hamar urte baitira auzia azaleratu zela. Elkartasuna adierazi diete Eliseo Gil eta Oscar Escribano arkeologoei. Ez, ordea, Ruben Manuel Cerdan fisikari nuklearrari. Defentsari “kalte handia” egin diola nabarmendu dute. Piezen egiazkotasuna berretsi zuten hiru txosten idatzi zituen Cerdanek, baina oraindik ez du frogatutzat eman egiaztatzeko frogarik egin zuenik. Horiek hala, indusketa lanak egin zituen Lurmen enpresa “engainatu” izana egotzi diote. Hiru urte eta erdiko espetxe zigorra eskatu du aldundiak haren aurka, eta bi urte eta erdikoa fiskaltzak.
Sinadura bilketa 
Auzipetuei babesa adierazteko egitasmo berri bat eratu dute: Iruña-Veleia Argitu ekinbidea. SOS Iruña-Veleia, Euskararen Jatorria eta Martin Ttipia eta Lurmen elkarteetako kideek osatzen dute, besteak beste. Manifestu bat kaleratuko dute aurki, eta sinadura bilketa bat ere abiaraziko dute.

Henrike Knorr, Joakin Gorrotxategi, Eliseo Gil, Joseba Lakarra, Blanca Urgell, Pruden Gartzia, Santos Yanguas, Pilar Cipres, Idoia Filloy… adituek bermatu zituzten publikoki Iruña-Veleiako ostraka euskaldunak


Henrike Knorr, Gorrotxategi, Eliseo Gil 2006-6-15Henrike Knorr, Gorrotxategik eta Eliseo Gilek duela 12 urte (2006-6-15 bideoa), bermatu zuten Iruña-Veleiako 1.700 urteko euskara zaharra.

Berria 2006-6-16.

2006-6-15ean Henrike Knorrek, Gorrotxategik eta Eliseo Gilek prentsaurrekoa eman zuten Gasteizen bermatzeko Iruña Veleiako 1.700 urteko euskara.
Ordurako txostenetan Iruña-Veleiako euskara bermatzen zuten Idoia Filloyk, Pilar Cipresek eta Santos Yanguasek.
Ondorengo egunetan Lakarrak, Urgell, Pruden Gartziak… babestu zuten ere Iruña-Veleiako euskara.
Gero, JM Elexpuru, Hector Iglesias, Txillardegi, Orpustan, Luis Mari Mujika, Emilio Ilarregi, Carmen Fernandez, Angel Morillo, Edward Harris, Antonio Rodriguez Colmenero, Ulrike Fritz, Luis Silgo, Koenraad Van den Driessche, Mikel Albisu, Joaquín Baxarías, Roslyn M Frank, Miguel Thomson, Alicia Satue… Sos Iruña Veleia Txostenak.

Azken 12 urteetan aditu askok bermatu dute Iruña Veleiako euskara.
Gutxi batzuk faltsutzat salatu dute.

Joakin Gorrotxategik 2006-6-15ean bermatu zuen Iruña veleiako euskara zaharra Henrike Knorr eta Eliseo Gilekin batera hedabideen aurrean.

Joseba Lakarra, El Pais 2006-6-18: “Batera zein bestera, aztarnen agerpen hutsak indartu ditzake euskarari buruzko ikasketak, komunitate zientifikoak orain arte gutxietsiak. Ildo horretan Linguistika Indoeuroparreko katedradunak (Gorrotxategi) esan duenez, “nik neuk eta beste askok uste genuen euskaraz egiten zela Veleian garai horretan”. Iritzi bertsua agertu du Joseba Lakarra EHUko Filologia, Geografia eta Historia Fakultateko dekanoak. “Oso pozgarria da halako froga garbiak agertzea, baina kontrakoa mantendu izan dutenek beraiek lehen eta orain ikusi beharko dute zer zuten hori defendatzeko, eta nik neuk behintzat ez dut uste bazenik kontrako ebidentziarik”.

Blanca Urgell 2006: Blanca Urgell cree que el valor de estos dos últimos descubrimientos es
sociolingüístico, más que filológico. «Teníamos la impresión de que la
culturización, en sentido estricto, significaba olvidar el euskera. Así ha
sido, hasta Larramendi, en Hegoalde. Cada vez que los vascos sentían
la necesidad de escribir, como aprendían a escribir en castellano, pues
escribían en esa lengua. Esa ha sido una teoría, y si retrocedíamos en el
tiempo, la aplicábamos de la misma manera. Y ahora hemos visto que
esa teoría podría tener lagunas. Que el euskera podía tener un nivel más
culto. Que los vascos, en un momento dado, también sintieron la
necesidad de plasmar por escrito las cuestiones vascas, de cara a la
enseñanza, para expresarse…».

Pruden Gartzia 2006-6-10ean Filoblogian: …”Bukatzeko, ohar pertsonalago bat. Utikan zenizoak! Bada tamala zerbait interesgarri aurkitzen den bakoitzean kristo guztia “zuhurtzia” gora eta behera aritzea, eta bazter guztietan trikimailuak eta engainuak besterik ez ikustea. Sakoneko arrazoia hauxe da: euskara susmopean dago, beti susmopean. Noiz entzun behar diogu Gobernuko eledunari esaten ororen buru POZTU egiten dela? (eta, ondoren, gainera ditzala nahi dituen ohar zuhur guztiak…).”

Pilar Cipres, Santos Yanguas: bermatu zuten 2007ko maiatzean Iruña Veleiako Idoia Filloy eta Eliseo Gil arkeologoen txosten arkeologikoaren eranskina (159-165 o.).

Arabako Foru Aldundiak 7,5 urteko espetxea eskatzen du Eliseo Gil eta Oskar Escribanoren aurka

OLYMPUS DIGITAL CAMERAIturria Juan Martin Elexpuru (bloga 2018-5-9).
Albistea Berrian (2018-5-9).
Argia 2018-5-10.
Gara 2018-5-10.

Bada astebete akusatuek jakinarazpena hartu zutela, baina gaur arte ez da hedabideetara heldu. Eta Berriara bakarrik, auzipetuen bitartez. Gauza harrigarria, orain arte epaitegiak berak filtratzen baitzituen horrelakoak prentsara (Correo), honela enteratzen ziren auzipetuak eta haien abokatuak. Garbi dago Aldundiak eskandalu hau hau ahalik eta isilen eta ezkutuen pasatu nahi duela.

Euskararen historia” liburu berria aurkeztu du EHUk

Euskararen historia liburuaEuskararen historia” liburu berria aurkeztu du EHUk. (Eitb).

EHUk euskararen bilakaera laburtu du ‘Euskararen historia’ liburuan

2018/05/09

Eusko Jaurlaritzak diruz lagundutako lana gai honetan interesa dutenentzat “erreferentziazko materiala” izatea nahi dute, eta historiaurretik gaur egunera egiten du.

Eusko Jaurlaritzak ‘Euskararen historia’ liburua aurkeztu du EHUko Arabako campusean. Lan “handi” honek euskararen historia biltzen du, historiaurretik gaurdaino, baita mendeetan zehar beste hizkuntza batzuekin izan duen harremana ere.

Eusko Jaurlaritzak diruz lagundutako lan hau gai honetan aditu diren pertsona gailenetako batzuek garatu dute (EHUko, UPNAko eta Université de Pau et des Pays de l’Adourreko hizkuntzalari, filologo eta historialariak), eta gai honetan interesa dutenentzat “erreferentziazko materiala” izan dadin lortzea da helburua.

Bingen Zupiria Eusko Jaurlaritzako Kultura eta Hizkuntza Politikako sailburua izan da liburuaren aurkezpenaren buru, eta egileak unibertsitate esparruko hainbat aditu direla azaldu du: Joseba Lakarra, Joaquín Gorrochategui, Patxi Salaberri, Céline Mounole, Ricardo Gómez, Blanca Urgell, Iñaki Camino eta Pello Salaburu, besteak beste.

Aurkezpenean, Zupiriak lanaren garrantzia azpimarratu ditu, liburuki bakarrean biltzen baitu euskararen “historia gorabeheratsua”. Sailburuaren hitzetan, euskararen historiari buruzko ikuspegi “zabala eta zehatza” eskaintzea da obra honen asmoa.

“Erreferentziazko historia bat lantzen saiatu gara, bere izaeran eta bere oinarri teoriko-metodologikoetan gure inguruneko hizkuntzetarako dauden historien antzera”, adierazi du liburuaren egile eta editoreetako bat den Ivan Igartuak, Euskal Herriko Unibertsitateko Arabako Campuseko errektoreordeak.

Angus J Huck

Angus J Huck Elgoibar 2018-5-5
Angus J Huck adituaren mezuak 15 urtetan (Web archive.org):

 

 

 

 

Basque and Dene-Caucasian (2002)

Ilurbeda Sun and moon gods ARPAN and GARA, and the Mystery of Ribagorca
Bidston Hill
Salisbury
The Mystery of Ribagorca
Silbury Hill
Barcelona funerary stele
Abere/abel
Basque and Sumerian
Iberian points of the compass (and more)
Who was Lolegarkoe?
Lau(r)
Massa and naza
Rivers
Amil and Amalfi
Salt
The Liria Vase
The Basque generic word for “tree”
The Ascoli Bronze Plate
The Basque word for “son” (and why Trask is wrong)
The Liria Dish
The Castellon Lead Tablet 
The Sinarcas Funerary Stele
The Basque yew (and some otters and some springs)
Some more “m” plant names
Grasmere
Lagentium
River Irwell
Egipcios, bereberes, guanches y vascos. Arnaiz – Alonso. Cr�tica LM Mujika.Dr Arnaiz-Villena’s Basque/Berber comparisonsBasque gune/une “place, interval”		 Basque and Dene-Caucasian
The Mystery of Ribagorca
Barcelona funerary stele
Basque and Sumerian
The Liria Vase

Angus J Huck: Euskeraren Aztarna Pan-Europarra. (Euskeraren jatorria 2018-5-5).

Egiaren ezintasuna. Ismael Manterola. Berria

13345 Zakurra (Iruña Veleia)Egiaren ezintasuna. Ismael Manteroal. Berria.

Harrigarria iruditu zitzaidan Iratxe Jaiok eta Klaas van Gorkumek La Taller galerian jarri duten erakusketa. Azken urteetan, artista bikotea lan eskerga egiten ari da Iruña-Veleia aztarnategi arkeologikoan topatutako balizko ostraka erromatarrei buruzko ikerketan. Guztion ahotan egon da inoiz Iruña-Veleian gertatutakoa, oraindik ez dakigula eta ez dugula ondo ulertzen zer gertatu den eta zer gertatzen ari den ditxosozko aurkikuntzekin.