Parlamentuak txosten bana eskatu die Europako Batzordeari eta Askatasunen Batzordeari.

RTVEko kazetariek urteak daramatzate salatzen Espainiako telebista publikoko albistegietan barra-barra erabiltzen dela «zentsura eta manipulazioa», baina ez dute lortu zuzendaritzak jarrera aldatzea. Oraingoan, TVEko Albistegietako Batzordeak Europako erakundeetara eraman du salaketa, eta Europako Legebiltzarrak onartu egin du egoera ikertzea.