Julio Nuñezen aurkako kereila. JM Elexpuru.
Julio Nuñez Iruña-Veleiako zuzendariaren aurkako kereila tramitera onartu du Epaitegiak. Ondarearen kontrako kalteak eta justizia oztopatzea egozten zaio
SOS Iruña-Veleia elkarteak kereila jarri zuen Julio Nuñez egungo zuzendariaren aurka, ondarea kaltetzea eta justizia oztopatzea egotzita, eta berriki jakin dugu Gasteizko 1. epaitegiak tramitera onartu duela eta deklaratzera deitu duela. Patxi Zabaleta da elkartearen abokatua.
JM Elexpuru blogean eskaera eta irudi ederrak:
Hona hemen gaur goizeko 9ak aldera egindako elkarretaratzearen argazkiak eta biltzarkideei eta diputatuei banatutako agiria.
Oharra: gaur, osteguna, ez da egingo asteroko elkarretaratzea.
SOS Iruña-Veleiaren eskaera Arabako Batzar Nagusietako talde politikoei
Arabako Foru Aldundiak, 2008ko udazkenean hartutako erabaki baten bidez, ofizialki faltsutzat jo zituen 2005 eta 2006ko jardunaldietan Iruña-Veleiako aztarnategian aurkitutako “ezohiko grafitoak” (400 inguru), eta indusketa-baimena kentzea erabaki zuen Lurmen S.L. enpresari. Handik gutxira, zigor-espedientea irekiz, auzibidean jarri zituen enpresa horretako hainbat kide eta kolaboratzaile.
Sei urte igaro dira gaia auzitegian sartu zenetik, eta oraindik instrukzio fasean jarraitzen du. Bitartean Lurmen S.L.ek 20 txosten aurkeztu ditu epaitegian, non hainbat herrialdetako adituek adierazten duten arkeologoen jarduera egokia izan dela edo/eta grafitoak benetakoak liratekeela.
Jasanezina da egoera, gure iritziz. Benetakoak izatera egundoko balio kulturala eta historikoa luketen materialak zakartegian bukatzeko arriskuan daude. Eliseo Gil Zubillaga, lehengo zuzendaria, zeinen gaitasuna, profesionaltasuna eta jatortasuna inork ez zuen ezbaian jartzen auzi negargarri hau sortu arte, infernua bizitzen ari da; grafitoen egiletzat seinalatu eta mediatikoki kondenatu dute, eta une honetan akusatuen aulkian esertzeko arriskuan dago.
Egoera honen aurrean, SOS Iruña-Veleiak zure talde politikoari auzia argitzeko asmo sendoa har dezala eskatzen dio, ondorengoa aginduz edo bultzatuz gobernutik zein oposiziotik:
1.- Diputazioak epaitegietan jarrita daukan kereila berehala kentzea.
2.- Benetakotasuna edo faltsutasuna erabakiko duten analisiak egitea agintzea, Europako prestigio handiko laborategietan.
3.- Analisien emaitzen arabera, Foru Aldundiaren 444/2008 foru-agindutik eratorritako jarduerak berrikustea edo berrestea (foru-agindua barne).
Auziak ez zuen arlo zientifikotik sekula irten behar grafitoen izaeraz ziurtasun osoa izan arte, eta orain ezinbestekoa da hasierako egoerara itzultzea. Eta gero, aspaldi eginak egon behar zuten analisiak egitea berme guztiekin.
SOS Iruña-Veleia
SOS Iruña-Veleiak deituta elkarretaratzea egingo da Arabako Batzar Nagusien aurrean, hileroko biltzar orokorra egiten dela profitatuz. Esan beharrik ez, Batzar Nagusiak eta Foru Aldundia dira Iruña-Veleiaren arduradunak, eta gertatutakoaren errudun politikoak.
Lekua: Arabako Batzar Nagusiak (Vicente Goikoetxea Kalea).
Ordua: 08:45 (batzarra 9etan hasten da).
Pankartaren lemak: Diputazioa errudun. ¡Retira la querella!
Hitzaldia Iruña Veleia 6 sei urte Ama ata
Gaia: Benetako grafitoak, analitika konklusioak manipulatuak?
Hizlariak: Idoia Filloy arkeologa
Koenraad Van den Driessche, geokimikan doktorea
Villasuso Jauregia, 2014-11-17, 19:00etan
Gasteiz
IPCE prentsaurrekoa Gasteiz 2014-1-31 (bideoa)
Prentsaurrekoa eta agiria. JM Elexpuru.
Kazetari eta hedabide ugari etorri da gaur eguerdiko prentsaurrekora. Eliseo Gilek, Patxi Alañak eta Juan Martin Elexpuruk irakurri dute agiria. Koenraad van den Driescche geokimikariak IPCEren txostenaren zenbait alderdi jorratu ditu irudien bidez. Idoia Filloyk hainbat azalpen eman ditu ondorengo solasaldian. Gaztelaniazko bertsioa. Eta euskarazkoa:
2013ko sariduna: Sos Iruña Veleia.
Prestigio handiko saria Iruña Veleia euskara zaharra urtero ematen dena, oso ezaguna eta preziatua da munduan, batez ere irabazi duten pertsonaia ospetsuengatik. 2013. urteko sariduna aho batez Sos Iruña Veleia izan da izendatua, azken urtetan egin duen lan eskargagatik, euskara zaharra defendatzeko herri harresia antolatu, mobilizazio soziala, webgune, Ostrakabase, txosten zientifikoak idatzi eta bildu, hitzaldi pila, sare sozialetan presentzia, bideo, salaketak erakunde eta epaitegietan ere… ezinbesteko lana bost urte luze igaro ostean Iruña Veleia gaia bizirik eta itxaropentsu mantentzeko. Zorionak eta segi lanean.
Ea datorren urtean Iruña Veleiako euskara zaharra aurkitu zuten benetako protagonistak lortzen duten, alegia, arkeologoak Eliseo Gilek eta Idoia Filloyk. Animo.
Sos Iruña Veleiak aurten argitaratu duen bideoa, Iruña Veleia benetakoak ala faltsuak?
Iruña Veleia urteko saridunak 2008-2013 :
2008an guztia sekretupean zegoenean gezurrezko Descartes filosofoak berak irabazi zuen.
2009an Juan Martin Elexpuruk, Iruña Veleia euskarazko grafitoak liburuarekin.
2010ean Julio Nuñez bere hondeamakinarekin egin zuen txikizioa izen zen garailea zalantzarik gabe.
2011n Iruñako Musa Iruña Veleiako euskara zaharra aurkitu eta inolako kereilarik gabe gelditu zelako.
2012an Edward Harris arkeologoa aztarnategian, biltzarrean egon zelako eta euskara zaharra defendatu zuelako.
Ea datorren urtean Eliseo Gilek eta euskara zaharrak irabazten duten.
Iruña Veleia stop txikizioa. Ama ata
Stop txikizioa, komunikatua Sos Iruña Veleia 2013-7-12.
