Etiketa honen artxiboa: sustatu

Sustatun disparateen zerrenda

Erantzun

http://sustatu.com/1227160971

2008-11-20an hasi zen disparateen zerrenda Sustatun, harrez gero 15 txosten zientifiko argitaratu dituzte Iruña-Veleiako grafito euskaldunak defendatzen Sos-Iruña-Veleia webgunean. Elexpururi kasu pixka bat egin zioten, baina Hector Iglesias, Luis Silgo, Orpustan edo  Txillardegiren iritzien aurretik, albisteetan nahiago dituzte “grafologoen” elukubrazioak eta  ezezagunen faltsutze salaketa larri berriak. Sustatuk jarraituko du bere disparate zerrenda nabarmenarekin, Descartes, pegamentoa, komuna, grafologoak, Gureaita… bere publikoa du eta elikatu behar du noski. Euskara defendatzeko aitzakiarekin jakina.

Txillardekik: Iruña-Veleiako grafitoak benetakoak dituk

Erantzun 1

Elexpuruk zabaldu du Txillardegiren iritzia. Sustatu

Elexpuruk:

13371b ostrakak YAVHII ZUTAN IZANA ipintzen du. Hona hemen Txillardegik gutun bidez eginiko komentarioa (baimena dut argitaratzeko): “Yavhe zutan izana’ hika zegok: ‘Yaveh zeruetan izana’ Guk batuaz idatziko genikek: ‘Yaveh zeruetan haizena’ Baina Leizarragak ez dik ‘hi haiz’ erabiltzen, ‘hi aiz’ baizik.” “Yavhe zutan izana’ hika garbia duk. III. mendean jainkoari hika hintzatzea normala duk”.
“Zeruetan-zutan” gaiari buruz ere luze ari da Txillardegi, eta posible ikusten du. Hainbat txosten irakurrita gero (Lakarra eta Gorrochateguirenak barne), zera dio: “Hori guztia ikusita, zalantzarik ez diat: grafito horiek benetakoak dituk. Eta hor somatzen den euskara euskalki arkaiko bat duk. Gorrotxategi eta Lakarra (hau batez ere) oker zeudek.”
Luze jardun genezake honetaz, baina hau ez da leku egokiena. Dena dela, grafitoen benetakotasunaz edo faltsutasunaz azken hitza ez dute filologoek, ez aldekoek eta ez kontrakoek, froga fisiko-kimikoek eta egin beharko liratekeen indusketa kontrolatuek baizik.
Hori eskatzen duen agiri bat dago sinatzeko. Ez dakit zenbaitek zergatik uko egiten dion auzia betiko argituko lukeen bideari.

Hizkuntzalari baten kritika latza, Veleiaren idazkunen benetakotasuna defenditzeko. Sustatu

Erantzun

sustatu.com/1255963827

Veleiako idazkunen inguruko beste kritika gogor bat argitaratu da, Gorrotxategi eta Lakarra hizkuntzalarien lana gogor kritikatuz. Hector Iglesias hizkuntzalariak idatzi du kritika, frantsesez. Euskararen eta euskal testuen ikerketarako IKER erakundearen webgunean argitaratu da.